Aloy snýr aftur í Horizon II: Forbidden West [UPPFÆRT]

Meðal þess sem kom fram í kynningu Sony á leikjum framtíðar var tilurð Horizon II. Leikurinn er framhald hins geysivinsæla Horizon Zero Dawn sem kom út árið 2017.

erkiengill 18/09/2020

Horizon II: Forbidden West er væntanlegur á PS5 og PS4.

Meðal þess sem kom fram í kynningu Sony á leikjum framtíðar sem streymt var í gær var staðfest tilurð Horizon II. Leikurinn er framhald hins geysivinsæla Horizon Zero Dawn sem kom út fyrir PS4 árið 2017. Framleiðandi er dótturfyrirtæki SIE, Guerilla Games.

Ekki kom fram hvenær nákvæmlega leikurinn kemur út en það sem við höfum fengið að sjá lítur óneitanlega vel út. Það er ljóst að aðdáendur Aloy munu ekki verða í rónni fyrr en við fréttum meira um útgáfudag.