Málaferli vegna Light of Motiram: Tencent svarar ásökunum Sony
erkiengill 
Sony höfðaði mál á hendur Tencent í júlí fyrir dómstólum í Kaliforníuríki vegna Light of Motiram, væntanlegs ævintýraleiks sem þykir svipa mjög til leikja úr Horizon seríu Guerilla Games.
Í kvörtun Sony var því haldið fram að leikurinn væri augljós eftirherma af Horizon Zero Dawn og Horizon Forbidden West, leikja sem hafa notið mikilla vinsælda og Sony gefur út. Sakaði fyrirtækið Tencent um hugverkaþjófnað og fór fram á að dómstóllinn stöðvaði útgáfu Light of Motiram en leikurinn er í þróun hjá stúdíóinu Polaris Quest. Leikurinn er þó ekki væntanlegur á markað fyrr en árið 2027.
Nú hefur útgefandi Light of Motiram, kínverski leikjarisinn Tencent, svarað ásökunum Sony. Vill fyrirtækið meina að hugmyndir sem leikirnir í Horizon seríunni byggja á séu ekki hugverk Guerilla Games, heldur þekkt viðfangsefni úr ævintýraleikjum af svipuðum meiði. Nefndu Tencent leiki eins og The Legend of Zelda, Far Cry, Outer Wilds, Enslaved og Biomutant í þessu samhengi.
Tencent krefst þess að málinu verði vísað frá dómi og sakar Sony um að reyna að eigna sér einkarétt á leikjum sem byggja á svipuðum hugmyndum og fjölmörg leikjastúdíó hafa notað í sínum afurðum. Fyrirtækið sagði, “By suing over an unreleased project that merely employs the same time-honored tropes embraced by scores of other games released both before and after Horizon—like Enslaved, The Legend of Zelda: Breath of the Wild, Far Cry: Primal, Far Cry: New Dawn, Outer Wilds, Biomutant, and many more—Sony seeks an impermissible monopoly on genre conventions.”
Kínverski risinn Tencent er stærsti leikjaframleiðandi í heimi. Fyrirtækið hefur í gegnum dótturfélög fjárfest grimmt í leikjafyrirtækjum á Vesturlöndum og er m.a. meirihlutaeigandi Funcom, Riot Games, Sumo Group og Techland. Félagið á einnig hlut í fyrirtækjunum Don’t Nod, Shift Up, Epic Games, Ubisoft, Bloober Team, FromSoftware, Remedy Entertainment og Paradox Interactive.
Nánar:
Frétt GamesIndustry.biz: Tencent accuses Sony of seeking a „monopoly on genre conventions“ as it responds to Light of Motiram copyright lawsuit
Light of Motiram: https://lightofmotiram.com
Tencent: https://www.tencent.com/en-us
Guerilla Games: https://www.guerrilla-games.com
Stikla fyrir Light of Motiram:
About The Author
