EA misstu FIFA einkaleyfið

Eftir marga mánuði af samningaviðræðum milli Alþjóða knattspyrnusambandsins (FIFA) og Electronic Arts (EA) er orðið ljóst að aðilar náðu ekki saman. FIFA 2023 verður því síðasti leikurinn í seríunni sem EA gefa út en sá leikur er væntanlegur síðla árs. Sambandið leitar nú að nýjum samstarfsaðila fyrir þróun á næstu afurðum sem koma út undir merkjum FIFA.

Báðir aðilar sendu frá sér fréttatilkynningar í kjölfar þessarar niðurstöðu hvar þeir reyndu að sýna útkomuna í jákvæðu ljósi. Hvað EA varðar þá ætla þeir að halda áfram á sömu braut, gefa út fótboltaleiki árlega, en nú undir nýju nafni, EA Sports FC. Bentu þeir á að fyrirtækið hefur enn sérleyfissamninga við leikmenn og deildir í evrópskum og amerískum fótbolta, Premier League, LaLiga, Bundesliga, Serie A og MLS.

FIFA ætlar að finna nýjan þróunaraðila fyrir FIFA leikjaseríuna og lofa m.a. útkomu leikja sem verða ólíkir FIFA að því leiti að ekki verður um að ræða herma (simulation). Fyrsti leikurinn sem kemur út án aðkomu EA verður „FIFA World Cup Qatar 2022“ og er ætlað að verði markaðssettur seint á þessu ári.