Sony opinberaði fyrr í dag hvað verður á matseðli PS Plus áskrifenda í komandi mánuði. Eins og oft áður er fjölbreytnin í fyrirrúmi, okkur er boðið upp á þrjá aðalrétti í júlí. Ferskt grænmeti á boðstólum, Gordon Ramsay yrði stoltur.
PS5 titill mánaðarins er “A Plague Tale: Innocence”. Fjallar um börn sem þurfa að glíma við afleiðingar stríðs og plágu nagdýra sem fylgir í kjölfarið – þetta er saga sem lætur engann ósnortinn.
Fyrir PlayStation 4 áskrifendur sem hafa þörf fyrir fjöldamorð er varla hægt að finna betri útrás en að salla niður hópa fólks í “Call of Duty: Black Ops 4”. Þennan titil þarf varla að kynna fyrir neinum, hann rennur ljúflega niður.
Í ofanálag er svo hægt að berja, kýla og sparka í þá sem eftir lifa, í fjölbragðaglímu leiknum “WWE 2K Battlegrounds”. Að brjóta bein og tennur hefur sjaldan verið meira gaman (og amerískt).
Hægt verður að panta heimsendingu af matseðli frá og með þriðjudeginum 6. júlí. Ekkert vegan eða ketó kjaftæði.
Nánar um leikina:
A Plague Tale: Innocence: https://www.playstation.com/en-us/games/a-plague-tale-innocence
Call of Duty: Black Ops 4: https://www.callofduty.com/is/blackops4
WWE 2K Battlegrounds: https://wwe.2k.com/battlegrounds
