Hópmálsókn vegna PS Store í Hollandi: Sony sakað um óeðlilega viðskiptahætti

Neytendasamtökin Stichting Massaschade & Consument í Hollandi hafa höfðað hópmálsókn gegn Sony vegna einokunar fyrirtækisins á sölu leikja og aukapakka fyrir PlayStation í gegnum PS Store. Farið er fram á greiðslu skaðabóta til viðskiptavina vegna ólögmætra viðskiptahátta og einokunartilburða fyrirtækisins. eSports.is fjallar ítarlega um málið.

Vilja samtökin meina að Sony hafi markvisst komið í veg fyrir að aðrir aðilar geti selt stafrænt efni fyrir PlayStation og þannig tryggt sér einokun á markaðnum. Færð eru rök fyrir því að þannig hafi fyrirtækið haft háar fjárhæðir af neytendum.

Svipað mál var höfðað gegn Sony í Bretlandi og er áætlað að réttarhöld í því máli fari fram í byrjun næsta árs.

Ef niðurstaða dómstóla verður sú að Sony hafi misnotað markaðsráðandi stöðu sína gætu neytendur átt rétt á bótum. Fyrirtækið gæti einnig þurft að opna fyrir sölu annara á stafrænum vörum fyrir PlayStation.

Nánar:

Umfjöllun eSports.is: https://esports.is/playstation-skattur-undir-smasja-neytendur-i-hollandi-krefjast-milljarda-i-skadabaetur

About The Author

erkiengill

Erkiengill er miðaldra karlmaður sem hefur áhuga á tölvuleikjum. Fyrsta leikjavélin sem hann eignaðist var Atari 800XL og var með 64Kb minni. PSN: erkiengill

See author's posts