Spelunky 2 kominn með útgáfudag

Framhald hins vinsæla platform leiks Spelunky kemur út 15. september að því er útgefandinn hefur tilkynnt. Upprunalegi leikurinn kom út árið 2014 og þótti vel heppnaður. Í leiknum spilar þú fjársjóðsleitara sem kannar neðanjarðarheima sem eru fullir af skrímslum, gildrum og gullkistum. Það óvenjulega við hann er að borðin eru framleidd af handahófi í hvert sinn sem leikurinn er spilaður og því ný upplifun í hvert skipti. Spelunky býður upp á fjölspilunarmöguleika (co-op) allt að 4 spilara.

Að sögn framleiðanda leiksins, Mossmouth, mun Spelunky 2 bjóða upp á margt það sama og fyrri leikurinn gerði, nema bara á stærri skala. Borðin eru orðin stærri, þéttari og fjölbreyttari. Netspilun hefur einnig verið uppfærð með Deathmatch og competitive möguleikum.